هالشهر في جروب نكهة عربيه كان دوري بالاستضافه,, و قدمت للاعضاء اكلتنا الفلسطينية الشهيرة " المسخن " ..حبوها كتيير و عجبتهم :) 

اكله المسخن من الاكلات الفلسطينيه اللي بتتقدم بالمناسبات و الافراح و والجمعات الحلوة,, اكله معروفه كتير و مكوناتها كلها كانت تحضر من الالف الى الياء من زيت الزيتون المعصور من شجر الزيتون, لخبز الطابون من قمح الارض, للبصل و السماق و اللوز اللي يزرع في الارض و يستخدم في الطبخ,,, و الدجاج بربوا الاهالي في القرى ليستفيدوا منه في اكلهم  و نحن رح نحاول نعملها بالمكونات المتوفره عنا لنحصل على اقرب طعمه للمسخن على اصوله :)ان شاء الله تعجبكم هل الاكله و تلاقي استحسان بعد تطبيقكم، و تدعوا لفلسطين و اهلها بالخير و النصر و الحريه . 

المقادير : 4 ارغفه متوسطه الحجم من خبز الطابون (و من الممكن استخدام الخبز الايراني او الافغاني اذا لم يتوفر خبز الطابون) نحتاج لخلطه الدجاج : كيلو دجاج مقطع اربع قطع+ ربع كوب زيت زيتون اصلي, بصله مقطه ارباع+ سنين توم مقطع+ ورق غار , سبع حبات هيل صحيح + 2 عود قرفه+ خمس حبات كبش قرنقل+ ملعقه صغيره بهارات مشكله مطحونه +ملعقتين كبار سماق بلدي ( لونه احمر فاقع و طعمته حامضه و حده) + ملعقه صغيره ملح.+ تلات ارباع كوب ماء. بعد تنظيف الدجاج جيدا يوضع في صنيه فرن مع اضافه كل المكونات السابقه عليه و نغطي الصنيه بورق القصدير و ندخلها الفرن على درجه حراره عاليه اول ربع ساعه, ثم نوطي الحراره الى 160 و نتركه ليكمل استواء. نرفع ورق القصدير عن الدجاج و نحمره لياخد لون جميل , و من ثم نطفي الفرن و نضع قطع الدجاج في طبق على جنب. نصفي مرق الدجاج و نتركه جانبا. 

لخليط البصل : نحتاج 12 حبة بصل مقشر ومفروم خشن+ 3-4 ملاعق سماق بلدي+ نصف كوب زيت زيتون+ ملعقه صغيره ملح+ رشه كمون(اضافه مني على الوصفه من اجل النفخه ) . في طنجره متوسطه الحجم نضع جزء من مقدار زيت الزيتون و نضيف البصل و على نار هادئه نقلب البصل حتى يذبل و يصبح لونه شفاف تماما, نطفي النار تحته و نضيف باقي زيت الزيتون و السماق و الكمون و نحركه جيدا , نضيف 4-5 ملاعق كبار من مرق الدجاج فوق خليط البصل و نتركه جانبا.
للتزين لوز و صنوبر مقلي . الان لتطبيق المسخن : نحضر اول رغيف خبز , نوزع عليه كميه مناسبه من خليط البصل, و نرجع نرش رشه من السماق , نزين باللوز و الصنوبر و نضع رغيف الخبز الثاني فوقه , نوزع كميه من خليط البصل , ثم رشه سماق, ثم لوز و صنوبر و هكذا نكرر الخطوات مع باقي الارغفه. (بعدها من الممكن ادخال الخبز 5 دقائق للفرن حتى نحضل على خبز مقرمش قليلا, لكن انا ما بدخله الفرن لانو بنفضله يبقى طري) . في الاخير على اخر رغيف خبز نضع قطع الدجاج فوق البصل و نرش السماق و اللوز و الصنوبر و يقدم بجانبه اللبن الزبادي او سلطه خيار بلبن