وينكم يا سيلاويه! من الاكلات الفلسطينيه اللي معروفه اكتر شي بمدينه جنين تحديدا " قضاء جنين - سيلة الظهر- عنا هي اكله اسمها "القُرصه" الكبار بالعمر بعرفوها كانت ستي الله يطول بعمرها تعملنا اياها و ماما اتعلمتها منها,,اليوم اللي في قُرصه هو يوم مختلف و في دلال كتير من ست الحبايب! كتيير طيبه عجينتها هشه و طريه متل القطن بتكون محشيه لحمه مفرومه مع بازيلا و بتنقلى بالزيت! يااا باااي شو طيبه! الطريقه :
3 كوب طحين ، معلقه صغيره خميره ، معلقه صغيره بكنج بودر ، ربع معلقه كربونات الصوديوم ، ملح ، معلقه صغيره سكر
الطريقه :
تعجن المقادير كلها مع بعض بماء فاتر ويضاف الماء بالتدريج مع استمرار العجن حتى تصبح العجينه قوامها متماسك و لكن رخوو قليلا ,وتترك حتى تخمر .
حشوة العجين: لحمه مفرومه تقلى بالزيت مع البصل الناعم والبهارات والكاري والهيل و ممكن اضافه البازيلاء ايضا.
نحضر صحن به كميه قليله من الماء ,نأخذ قطعه صغيره من العجين بعد أن نبلل يدنا بالماء ونفردها ونضع الحشوه ونقفلها جيدا و نشكلها باليد على شكر قرص دائري ثم نقليها بالزيت الحامي حتى يصبح لونها ذهبي وهكذا حتى ننتهي من الكميه كلها . و صحه و عافيه.
ممكن ان نحشوها بالجبنه والبقدونس ايضا.
