Tamriyeh " تمرية "
! تمرية لا طمرية متل ما بلفظوها النوابلسية حبايبنا ؟
ياخي فنانين النوابلسة الصراحة، اولها كنافة و بعدها تمرية! شو ما احكييلكم جد من اطيب الحلويات التراثيه
الفلسطينه! ازاجربتوا تعملوهابايدكم رح تحبوها و تعتمدوها وما تاكلوها من بره ابدا
وبما انه احنا بالحجر المنزلي ،دلعوا حالكم شوي و رشوها رشة سكر و اسمعوا القرشة !
خدولكم هالمعلومة وانتوا بتقرشوا حبة التمرية: هاظ يا اخوان في سنة 1948 اضطر شب حليوة فلسطيني من عائلة عرفات على ترك بلدته "تمره" و انتقل لنابلس وهناك افتتح محل حلويات و ابتكر نوع حلو سماه تمريه نسبه لقريته المهجره. ومن هون اجت التسمية! هاذا والله اعلم ... طبعا انا الوصفة هي اعتمدتها زمااان من عند صديقتي المبدعة رانيا الوزني من نكهة عربية والطعم شي فعلا خياااال ...
التمريه النابلسية : المقادير: (أنا عملت ضعف المقادير)
للعجينه: 3\4 كوب طحين 1\4 كوب ماء أكثر أو أقل حسب الحاجه رشة ملح للحشوه (حلاوة السميد): 0.5 كوب سميد خشن 0.5 كوب سكر 2 كوب ماء
م.ص ماء ورد (اضافة اختيارية) سكر بودره للتزين و فستق حلبي حسب الرغبة
الطريقة : لتحضير الحشوة في وعاء على النار نضع السكر, الماء, والسميد و نستمر بالتحريك حتى الغليان , نتركها تغلي قليلا مع التحرك حتى نحصل على قوام كثيف. نسكب حلاوة السميد في صينيه مستطيله مقاس 7*11 انش ونتركها حتى تبرد ثم نغطيها بالنايلون الشفاف ونضعها بالثلاجه. وتقطع بعدها قطع صغيرة للوضعها دخل العجين
للعجين :
- نضع الطحين ورشة الملح في وعاء العجن , نضيف الماء بالتدريج و نعجن جيدا حتى نحصل على عجينه طريه غير لاصقه. نستمر بالعجن على الأقل 5 دقائق بالعجانه و أكثر لو كان العجن باليد. نقسم العجينه إلى 8 أقسام متساويه و نضعها في وعاء مدهون بقليل من الزيت, نغطيها و نتركها ترتاح من 5 ساعات إلى ليله كامله.
- فوق سطح مدهون بقليل من الزيت ,نفرد كل قسم من العجينه على شكل مربع رقيق قدر المستطاع .
- تقطع العجين الى شكل مربعات او مستطيلات
- نضع قطعه من الحشوه في الوسط
- نأخذ زاويه من العجينه و نضعها فوق الحشوه ونكمل مع باقي الزوايا حتى نغلق كل العجينه فوق الحشوه ونحصل على شكل مربع مع ملاحظة عدم شد العجينه على الحشوه . نضغط على المربع باليد حتى نرققه قليلا , نكمل مع باقي القطع.
- و نقليها في زيت حار حتى تأخذ العجينه اللون الذهبي و تصبح مقرمشه. نرش سكر بودره على وجه التمريه و تقدم في الحال .
