Tiramisu

تيراميسو
حلو ايطالي طعمته طيبه كتيير و خفيفه و ناعم القوام و معنى اسمه بالانجليزي ! lift me up يمكن اتسمى هيك لانو الطعم بجد بياخدك بيرفعك لفوووووق فوق 


المقادير :  4 صفار بيض + 1/2 كوب سكر ناعم الحبيبات + كوب كريمه سائله نخفقها و نتركها على جنب + 250 غم جبنه ماسكروبوني تتركها على درجة حرارة الغرفه حتى تكون لينه+ فانيلا سائله+ قليل من برش الليمون + 3 ملاعق كبار من القهوة الايسبريسو مذوبين في قليل من الماء و كل ما كانت تقيله بكون ازكى + علبه بسكوت ليدي فينغرز +  قليل من بودره الكاكاو الساده. 

 

الطريقة : 
في حمام مائي نخلط صفار البيض والسكر و الفانيلا و برش الليمون جيدا كلهم سوا باستخدام مضرب السلك اليدوي لحتى يصير قوامهم كريمي او شبيه بالكسترد تقريبا ربع ساعه ينطبخوا على الحمام المائي( هذه الخطوة لحتى ما نستخدم صفار البيض ني)  ثم نرفعهم من على الحمام المائي و تنركهم جانبا يبردوا قليلا . نخفق الجبنه قليلا داخل وعاء حتى تطرى جيدا و تصبح كريميه ثم نضعها على الكريمه المخفوقه و نضع ايضا خليط صفار البيض فوقهم و نقلبهم كلهم بالسباتولا جيدا لحتى يتجانس الخليط تماما و يصبح ناعم و كريمي . نحضر الكؤوس اوصحون التقديم و نبدا بتغميس البسكوت في القهوة و نصفهم بجانب بعض كطبقه اولى و فوقهم طبقه من خليط الكريما و نرش قليل من بودرة الكاكاو فوق الكريمه و نكرر العمليه هكذا لحد انتهاء الكميه.  ندخل الصحن التلاجه و نتركها ليله كامله او مش اقل من 8 ساعات لانها كل ما بردت تتماسك اكتر و بكون طعمها راائع.

Find me on : 

 

All the photos on my blog are copyright protected. If you want to use any of them, please let me know and provide a link to credit my work.

 

  • Facebook - Black Circle
  • Pinterest - Black Circle
  • Instagram - Black Circle