الصفيحة اليافاوية 

"كل القلوب تدق ليافا,فان قلت يافا,تصير الحروف نصال...مصابون نحن بيافا,كسمّ زعاف,وداء عضال.." من بلدي الحبيب فلسطين ,تحديدا من الجميلة يافا ,هل الطبق التراثي الشهي! "الصفيحه اليافويه" هي تطبيقي لوصفة بنت بلدي ربى الناجي من موقع نكهة عربية .وصفة اكثر من رائعه! بنصحكم اتجربوها و تحييوا وصفات بلدنا القديمه الاصيله..نحن بهل الظروف نملك الدعاء لفلسطين و اهلها ,و بيدنا نعمل الي بنقدر عليه .. واجبنا على الاقل نساهم لو بشي بسيط ممكن يخلد اسم فلسطين على خارطة العالم..عنا تراث و اصاله لازم نضل نذكر اولادنا فيه , تاريخ شجرة الزيتون و خبز الطابون و كعك القدس رح يبقى عربي عربي عربي ..خليهم يقولوا شو ما يقولوا فلسطين عربيه اسلاميه و عاصمتها القدس ربنا راعيها . اليكم الوصفة كامله كما وردت على لسا مضيفة الشهر ربى الناجي.

الصفيحة اليافاوية 

 تقديمربى الناجي /فلسطين

مقادير العجينة 

٣ كوب طحين
١/٤ ملعقة صغيرة بيكنغ باودر
١ ملعقة صغيرة ملح
١ ملعقة صغيرة سكر
١/٤ كوب زيت زيتون
ماء دافيء حسب الحاجة

 : الحشوة

١/٢ كيلو لحمة مفرومة
 بصلة كبيرة مفرومة ناعم 

٢ ملعقة كبيرة زيت نباتي او اقل
بهار سادة all spice
فلفل اسود
قرفة

 : لعمل العجينة
يخلط الطحين مع البيكنغ باودر والملح والسكر ثم نضيف الزيت ونفركه بالاصابع حتى يتوزع على كل كمية الطحين
نضيف الماء تريجيا حتى نحصل على عجينة طرية
نقسمها لكرات ونغلفها بالزيت ونضعها على صينية مدهونة نغطيها ونتركها ساعة او اكثر
لعمل الحشوة
نضع اللحمة بمقلاة عالنار حتى يتغير لونها نضيف الزيت والبصل حتى ينضج البصل ثم نضيف الملح والبهارات ونتركها تبرد ضروري حتى ما تتمزع العجينة لما نحشيها وهي ساخنة
على سطح عليه كمية وفيرة من الزيت نرق اول كرة بالشوبك اولا ثم نبدأ بفردها اكثر باليد مع مراعاة دهن اليدين بالزيت كلما احتاج الامر حتى تصبح شبه شفافة نقسمها بالسكين من الوسط ونضع الحشوة على الجانب المستقيم ونلفها رول ثم نعملها على شكل حلزوني مثل اللي بالصورة ونضعها على صينية مدهونة بالزيت
تخبز في فرن حامي تقريبا ٢٢٠ حتى تحمر من تحت ثم نضعها تحت الشواية حتى يحمر السطح وتقدم مع لبن او سلطة لبن وخيار وكتير مناسبة لرمضان
والف صحة وعافية

Find me on : 

 

All the photos on my blog are copyright protected. If you want to use any of them, please let me know and provide a link to credit my work.

 

  • Facebook - Black Circle
  • Pinterest - Black Circle
  • Instagram - Black Circle